2019 йил 16 декабрь куни соат тахминан 12:00 да Андижон вилояти Андижон тумани Жаҳонобод МФЙ ҳудудида жойлашган Шодлик ишонч сервиз МЧЖга тегишли газ қуйиш шаҳобчасида “Nexia-2” русумли автомашинанинг газ балонида портлаш содир бўлган.
Ҳодиса оқибатида ҳайдовчи Х.К тан жароҳати олган, дея хабар беради Ўзбекистон Республикаси ИИВ ҳузуридаги Тергов департаменти.
Ҳозирда ҳодиса жойида тергов-тезкор гуруҳи ишламоқда, портлаш сабаблари аниқланмоқда.
Текширув натижалари бўйича қўшимча маълумот берилади.