Дунёдаги энг обрўли нашрлардан бири “Economist” Ўзбекистонни «Йил мамлакати» деб тан олди. Бундай танловга йил бўйи энг кўп ижобий ўзгаришларни амалга оширган давлатлар сазовор бўлади.
Мажбурий меҳнатнинг қарийб йўқ қилиниши, «Жаслиқ»нинг ёпилиши, чет эл журналистларининг ишлашига берилган рухсат, бизнесменларга тегмаслик сиёсати, чегараларнинг очилиши, чет эллик мутахассисларнинг таклиф этилиши Ўзбекистонни «Йил мамлакати» деб эълон қилинишига сабаб бўлди, дейилади мақолада.
«Ўзбекистон ҳали кўп иш қилиши керак, лекин бу йили улардан кўп илдамлаган мамлакат бўлгани йўқ», дея хулоса қилади мақола муаллифи.
