Намойишчилар АҚШ Президенти Дональд Трампнинг импичменти ва Вакиллар Палатасининг унга лавозимидан четлатилишини айтиши учун Нью Йорк кўчаларида йиғилишди.
19 ёшли талаба Серена Хертцог: «Мен бу митингда қатнашаяпман, чунки буни келажакдаги муҳим бурилиш деб биламан. Мен учун энг асосий муаммо – экологик адолатдир ва мен президентимизни атроф-муҳитга катта хавф туғдираётганини кўряпман.» -деб изоҳ берди.
Таймс майдонида йиғилган намойишчилар «Трамп қонундан устун эмас» ва «Ўрнингиздан туринглар ва қаршилик кўрсатинглар» деган ёзувларни очиқчасига кўтариб олишди.
Трамп ҳокимиятни суистеъмол қилганликда айбланяпти, яъни у Украина ҳукуматидан, 2020 йилда бўлиб ўтадиган президентлик сайловларида унга қарши чиқаётган етакчи демократик рақиб, собиқ вице-президент Жо Байденни тергов қилишни сўраган.
Митингнинг ташкилотчиларидан бири, Empire State Indivisible вакили Шаннон Стагман: «Биз Трампнинг жиноятлар содир этганлигини ва президентлик ваколатларини суиистеъмол қилганлигини тан олишини хоҳлаймиз. Бу биз учун жуда муҳим деб ўйлаймиз», – деди.
