Бугун, 23 декабрь куни 14:00да кеча бўлиб ўтган депутатлик сайловлари натижалари эълон қилинди. Унга кўра, 831 нафар депутатликка номзодлардан 82 нафари етарли овоз тўплай олмагани учун қайта сайловга қўйилди.
Бу йилги парламент сайловида халқ ичида анча таниқли бўлган депутат Расул Кушербаев етарли овоз тўрлаб, иккинчи марта ғалаба қозонди.
Бу ҳақда “darakchi.uz”га Кушербаевнинг ўзи маълум қилди:
“51.8 фоиз натижа билан насиб этса яна сайланибмиз. Марказий сайлов комиссияси расман эълон қилса бўлди. Қўллаб турган ва ишонч билдирган барчага ташаккур. Бу ёғи янада қийин бўлади энди”, — деди фаол депутат.
Маълумот учун: Расул Кушербоев 1987 йил 12 январда Тошкент вилоятининг Янгийўл туманида туғилган. Ўзбекистон Давлат жаҳон тиллари университетининг Халқаро журналистика факультетини тамомлаган.
Биз ҳам жамоамиз номидан халқ ишончини оқлашдек улкан маъсулиятни бўйнига олган Расул Кушербаевга муваффақиятлар тилаб қоламиз.
