Давлат хизматлари агентлигининг “Экспресс-хизматлар” функциясидаги хизматлар сони яна биттага кўпайди. Бунда маълумотномалар тайёр бўлганидан сўнг тўғридан-тўғри уйингизга юборилади.
Аввал мазкур қулайлик фақат 3 та хизмат учун мавжуд эди:
- судланмаганлик (ёки судланганлик) тўғрисида маълумотномаларни олиш;
- никоҳ қайд этилганлиги, никоҳда турмаслиги ёки никоҳдан ажралганлиги тўғрисидаги маълумотномани олиш;
- манзил-маълумот ахборотларини тақдим этиш хизматлари.
Эндиликда қуйидаги хизматлар қўшилди:
- турар жойларни нотурар жой тоифасига ўтказишга рухсат бериш;
- ўз тармоғини яратиш ҳуқуқисиз маълумотларни узатиш тармоқлари орқали провайдер хизматлари кўрсатишга лицензия бериш;
- оталикни белгилаш ҳақидаги маълумотнома;
- ўлим ҳақидаги маълумотнома;
- туғилганлик тўғрисидаги маълумотнома;
- фамилия, исм, шариф ўзгарганлиги ҳақида маълумотнома.
Агентликнинг маълум қилишича, хизматлар сони кенгайиб боради. Юқорида саналган хизмат фақатгина ихтиёрий равишда кўрсатилади. Тўлов мавжуд бўлган хизматларда экспресс-хизматдан фойдаланишда, аризачига экспресс-хизмат инвойси ва давлат божи учун инвойс бир вақтда берилади. Тайёр ҳужжатларни етказиб бериш экспресс-хизмати нархи 8000 сўмни ташкил этади.
“Экспресс-хизмат” ишга туширилиши Марказларда мижозлар оқимининг кескин камайишига хизмат қилиб, ортиқча навбат кутишнинг олдини олишига иншочимиз комил, дейилади агентлик хабарида.
