Davlat xizmatlari agentligining “Ekspress-xizmatlar” funksiyasidagi xizmatlar soni yana bittaga ko`paydi. Bunda ma`lumotnomalar tayyor bo`lganidan so`ng to`g`ridan-to`g`ri uyingizga yuboriladi.
Avval mazkur qulaylik faqat 3 ta xizmat uchun mavjud edi:
- sudlanmaganlik (yoki sudlanganlik) to`g`risida ma`lumotnomalarni olish;
- nikoh qayd etilganligi, nikohda turmasligi yoki nikohdan ajralganligi to`g`risidagi ma`lumotnomani olish;
- manzil-ma`lumot axborotlarini taqdim etish xizmatlari.
Endilikda quyidagi xizmatlar qo`shildi:
- turar joylarni noturar joy toifasiga o`tkazishga ruxsat berish;
- o`z tarmog`ini yaratish huquqisiz ma`lumotlarni uzatish tarmoqlari orqali provayder xizmatlari ko`rsatishga lisenziya berish;
- otalikni belgilash haqidagi ma`lumotnoma;
- o`lim haqidagi ma`lumotnoma;
- tug`ilganlik to`g`risidagi ma`lumotnoma;
- familiya, ism, sharif o`zgarganligi haqida ma`lumotnoma.
Agentlikning ma`lum qilishicha, xizmatlar soni kengayib boradi. Yuqorida sanalgan xizmat faqatgina ixtiyoriy ravishda ko`rsatiladi. To`lov mavjud bo`lgan xizmatlarda ekspress-xizmatdan foydalanishda, arizachiga ekspress-xizmat invoysi va davlat boji uchun invoys bir vaqtda beriladi. Tayyor hujjatlarni etkazib berish ekspress-xizmati narxi 8000 so`mni tashkil etadi.
“Ekspress-xizmat” ishga tushirilishi Markazlarda mijozlar oqimining keskin kamayishiga xizmat qilib, ortiqcha navbat kutishning oldini olishiga inshochimiz komil, deyiladi agentlik xabarida.
