Мўйноқ Қорақалпоғистонда Нукусдан 220 км узоқликда жойлашган.
Дунёга машҳур Fox News телеканалига кўра, Оролбўйидаги Мўйноқ шаҳри дунёдаги энг даҳшатли жойлардан бири деб тан олинган. Телеканал рейтингида шаҳар 11-ўринни эгаллаган.
Эслатиб ўтамиз, ўтган асрнинг ўрталарида Мўйноқ гавжум порт шаҳри бўлган, аммо кейинчалик Орол денгизи қурий бошлади. Бугунги кунга келиб Орол денгизининг қарийб 90% қуриган. Орол денгизи фожиаси бир неча бор дунёдаги энг даҳшатли экологик офатлардан бири сифатида тан олинган.