Актриса Луиза Расуловани Элшод Б. исмли ўзини уста деб таништирган фуқаро алдаб кетди. Бу ҳақда "Жаҳон.уз" хабар қилди.
Маълум бўлишича йигит хонанда Райҳоннинг уйига мебель ясаб берганман деб актрисанинг ишончига кирган. Шу тариқа Луиза Элшодга Чилонзор туманида жойлашган уйига мебель ясаттиришга рози бўлган. Бунинг учун актриса унга 3 минг АҚШ доллари берган. Элшод ушбу пулларни ўз эҳтиёжи йўлида ишлатиб юборган.
Шундан сўнг актриса ИИБга мурожаат қилишга мажбур бўлган. Ҳозирда аввал ҳам фирибгарлик жиноятини содир этган Элшоднинг иши Жиноят ишлари бўйича Чилонзор туман судида кўриб чиқилмоқда.
