Тошкент шаҳрининг энг гавжум бозорларидан бири ҳисобланган "Фарҳод" бозорида катта жанжал бўлди. Бу воқеа акс этган видео Human.uz ахборот порталида эълон қилинди.
–Мен ташқаридаги "навес"нинг иккинчи "зонтиги"да савдо қиламан, – дейди савдо қилувчи аёллардан бири. – Кунлик патта пули тўламаймиз, бозор билан қилинган шартнома асосида савдо қиламиз. Патентим бор, қўлимда ишчим бор. "Навес"ни ўзимиз қурганмиз. Янги келган бозорқўм "Булар талабга жавобга бермайди, уларни олинглар ", деди. Ўзимни оладиган бўлсак, шу "навес" учун олти миллион сўм сарфлаганман. Уни қурдирганимга эндигина уч ой бўлди. Уни бузиб, ўрнига янги магазин қурамиз, дейишяпти. Иложи бўлса, бизни жойимизда қолдиришгани маъқул. Ахир эндигина уч ой бўлди уни қурганимизга. Ўзи қишда савдо суст бўлишини ҳамма яхши билади.
Масалани қандай ижобий ҳал этиш мумкинлиги ҳақидаги саволга"Фарҳод" деҳқон бозори АЖ директори Баҳодир Саидов қуйидагича жавоб берди:
– Бу ерда нафақат янги дўконлар, балки янги расталар ҳам қурилади. Ўша расталар савдо қилаётган одамларга берилади. Агар улар деҳқон, томорқаси мавжуд бўлса, маълумотномалар орқали, агар патенти бўлса, шартнома асосида расталар ажратилади.
Аммо бозор директорининг гапларидан савдо қилаётган тадбиркорларнинг кўнгли тўлмади. Улар бу масаладаги ўзларининг талаб ва истакларини маълум қилишди.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
