Ютуб ижтимоий тармоғида Тошкент вилояти Бекобод шаҳрида истиқомат қилувчи фуқаролар “Оҳангарон дон” АЖ Бекобод филиалидан ноҳақ ишдан бўшатилганини баён этилган видео тарқалди. Мазкур ҳолат Бандлик ва меҳнат муносабатлари вазирлиги Давлат меҳнат инспекцияси вакиллари томонидан ўрганилди.
Маълум қилинишича, Давлат меҳнат инспекцияси вакиллари олиб борган ўрганишлар натижасида ишдан бўшатилган фуқаролар Меҳнат вазирлиги кўмаги билан ўз иш жойига қайта тикланди.
