Хабарингиз бор ўзбек эстрадасининг ёрқин юлдузларидан бири Шохруххоннинг шу йилнинг 15-16-17 февраль кунлари “Истиқлол” санъат саройида “Мен сени севаман” деб номланган яккахон концертини мухлислар эътиборига намойиш қилмоқда. Бугун, 17 февраль концертнинг сўнгги куни. Шохруххон 17 февраль куни соат 14:00 да навбатдан ташқари сеансини эълон қилди. Мазкур навбатдан ташқари концерт дастурига “Меҳрибонлик уйи” тарбияланувчилари, кам таъминланган, боқувчисини йўқотган оилалар фарзандлари, имконияти чекланган ногиронлар таклиф этилган.
Бу ҳақда бизга “Даракчи” газетасининг мухбири Қамариддин Шайхов instagram’даги шахсий саҳифаси орқали хабар берар экан, Шохруххонга нисбатан яна бир бор хурмати ошганини айтиб ўтган ва қуйидаги фикрларни ҳам ёзиб қолдирган. “Хонанда Шохруххоннинг бу фазилатидан бошқа санъаткорлар ҳам ўрнак олса, ўзининг ҳақиқий мухлисларини унутмаса, бозорларда чипталарни мажбуран сотмай ҳайрия ишларига қўл уришса нур устига аъло нур бўларди. Балки, шундай хайрли ишлари сабаб ҳам хонанданинг концерти файзли ўтаётгандир. Бугун, 17-февраль куни Шохруххон бирваракайига икки марта (14:00 ва 19:00 да) концерт дастурини намойиш этади. Хонандаги куч-қувват тилаймиз! Дунёда кўнгли яримларга қувонч улашишдек савоб иш йўқ”...
