Лондоннинг Мэрилбон туманида жойлашган, 130 йилдан буён фаолият кўрсатиб келаётган Мадам Тюссо музейи биноси сотувга қўйилди.
Машҳурларнинг мумдан ясалга фигуралари сақланадиган бу музей Буюк Британиядаги энг гавжум муассасаларидан бири саналади. Ушбу музей жойлашган бино 320 млн фунт стерлингга баҳоланмоқда, дея хабар қилади Evening Standard нашри.
Бинонинг йиллик ижара нархи 15,5 млн фунт-стерлингга тенг. Музей билан тузилган шартномага кўра, бинонинг ижара муддати тугашига яна 27 йил бор, шунингдек бу муддат 70 йилгача узйтирилиши мумкин.
Мадам Тюссо музейининг филиалларини дунёнинг турли бурчаккларида учратиш мумкин. Лондондаги мум ҳайкалчалари коллекцияси ер юзида энг эски деб тан олинган. Мария Тюссо Лондонга инглиз-француз урушидан сўнг 1802 йилда кўчиб келган ва шу ерда ишлаб қолиб кетган. Биринчи доимий кўргазма 1835 йилда ташкил этилган. 1884 йилда кўргазмани Бекйкер-стритга, 1884 йилда эса, Мэрилбонд-роудга кўчириб ўтказишган. Музе айни пайтга қадар ушбу бинода фаолият кўрсатиб келмоқда.
Музейнинг марказий бўлимларидан бири Даҳшатлар ҳужраси саналади. Унинг бир қисми француз инқилоблари ва машҳур жиноятчилар қурбонларини ўз ичига олади. Вақти келиб, коллекция таркибига адмирал Нельсон ва Вальтер Скоттнинг тимсоллари қўшилган. Кейин бу кўргазмага машҳур киноактёрлар, сиёсатчилар, олимларнинг ҳайкаллари ҳам қўшилган. Бу ерда сиз Бенжамин Франклин ва Жан-Жак Руссо, «Битлз» тўртлиги ва Эйнштейнни, Фрейд ва Брэд Питтни, Жулия Робертс ва Мадоннани ҳам кўриш мумкин.
