Самарқандда ит янги туғилган чақалоқнинг ҳаётини сақлаб қолди, ҳайвон болани дарахтзорда кўриб қолган. Бу ҳақда «Замон» кўрсатувида хабар берилди.
6 февраль куни 21 ёшли қиз чақалоқни дунёга келтирган ва уни дарахтзорга ташлаб кетган.
Ит янги туғилган болани кўриб қолган ва ўз эгасига олиб борган.
«Ит қаҳрамонга айланди ва бутун қишлоқни ҳайратга солди. У болани тишида ушлаб олган ҳолда эгасига олиб келди. Итнинг эгалари чақалоқни тиббий муассасага топширишди», - дейилади телеканал кўрсатувида.
Маҳаллий шифокорнинг сўзларига кўра, бола олиб келинганида, у кир ҳолатда бўлган, танасининг баъзи қисмлари эса тирналган.
Тиббиёт ходимларининг таъкидлашича боланинг вазни 3,1 килограмм. Соғлиғи ҳолати ўртача оғирликда. Dbltj^
