2020 йил 11 февраль куни фуқаро Г.А., маст ҳолда Риштон тумани Қози Ахрор МФЙ ҳудудида жойлашган “Кароль диско клуб” тунги клубни олдига келиб, сигнал чалган таксичи Б.М.га уриб-дўппослаб, тан жароҳати етказган. Бу қилмишининг сабабини сўрашганда таксичи сигнал чалиб, унинг тинчлигини бузганлигини баҳона қилган. Бу ҳақда Фарғона вилояти ИИБ Ахборот хизмати хабар қилди.
Шу куни калтакланиб, тан жароҳати олган фуқаро Б.М. ҳушини йўқотганлиги сабабли танишлари томонидан Риштон тумани Тиббиёт бирлашмаси Қабул бўлимига олиб келинган.
Мазкур ҳолат юзасидан фуқаро Г.А.га нисбатан Риштон тумани ИИБ ҳузуридаги Тергов бўлинмаси томонидан Ўзбекистон Республикаси ЖКнинг 277-моддаси 2-қисми «г» банди билан жиноят иши олиб борилмоқда.
