16 февраль куни Тошкент шаҳар ИИББ Патруль-пост хизмати бригадаси ходими сафдор Қ.Ахмедов ва Миллий гвардия ходими тахминан соат 20:30ларда ўз ҳудудларида хизмат олиб бораётган вақтларида Учтепа тумани 14 мавзеси 1 уй олдида бир номаълум шахснинг хатти-ҳаракатлари шубҳа уйғотади.
Шу сабабдан уни текширмоқчи бўлганларида фуқаро қочиб кетмоқчи бўлади. Лекин ходимлар уни ушлаб олишади. Шу жойнинг ўзида тинтув ўтказилганда кастюмининг ён чўнтагидан “Пнивматик” пистолет, 3 дона “Тропикамид” ва 4 дона “Регапед” номли психотроп дори воситаси топилади. Учтепа тумани 7-сонли ИИБга олиб бориб шахси текширилганда ушбу шахс Яшнабод туманида яшовчи 1998 йилда туғилган Сайидов Зариф (Исми шарифи ўзгартирилган) эканлиги аниқланди. Ҳозирда мазкур ҳолат юзасидан суриштирув ишлари олиб борилмоқда.
