Пойтахтда рашкдан кўзи кўр бўлиб қолган йигит қотилликка қўл урди. Бу ҳақда “darakchi.uz”га Бош прокуратура Матбуот хизмати маълум қилди.
Аниқланишича, кеча, 9март куни соат 23:30 ларда М.Улуғбек тумани, Юзробод кўчасидаги “Мунис” кафесида 1999 йилда туғилган йигит Н.Ш. 1998 йилда туғилган таниши У.Т. билан аёл кишига бўлган рашк сабабли ўзаро жанжаллашиб қолади. Вазият жиддий тус олиб Н.Ш. ошхона пичоғи билан У.Т.ни танасининг турли қисмларига 8 та санчиб-кесилган жароҳатлар етказиб, қасддан ўлдирган.
Айни пайтда Мазкур ҳолат юзасидан 10.03.2020 йилда туман прокуратураси томонидан Н.Ш.га нисбатан ЖКнинг 97-моддаси 1-қисми билан жиноят иши қўзғатилган. Айбдор ушланган.
