Полициячи томонидан қора танли ўсмир йигитни отиб ўлдирилгани тасвирланган видеоролик эълон қилинганидан сўнг шаҳар аҳолиси норозилик намойиши уюштирди. Бу ҳақда “korrespondent.net” хабар бермоқда.
Чикагода 100 га яқин киши 17 ёшли қора танли Лакуан Макдональднинг полициячи томонидан отиб ўлдирилгани тасвирланган видеороликни тошома қилгандан сўнг митинг уюштиришди.
Ҳодиса октябрь ойида Чикаго кўчаларидан бирида юз берган эди. Ўшанда полициячилар йўлнинг серқатнов қисмида қўлида пичоқ билан юрган ўсмирни кузатиб борарди. Автомобиллардан бирига ўрнатилган камера воқеани тасвирга олган. Видеода Макдональд полициячилар ёнидан ўтиб кетаётганида улардан бири ўсмирга қарата ўқ узганини кўриш мумкин. Шундан сўнг ўсмир асфальтга юзтубан йиқилади, бироқ отишма шу билан тўхтамайди. Макдональднинг танасидан 16 та ўқ изи топилган.
