Xorijdan charter reyslar orqali kirib kelayotgan fuqarolar o`zlari bilan shaxsiy foydalanishi uchun qancha miqdorda dori vositalari va tibbiy buyumlarni olib kirishi mumkin?
Ushbu savolga AOKA huzuridagi shtabda o`tkazilgan brifingada ishtirok etgan Farmasevtika tarmog`ini rivojlantirish agentligi direktori o`rinbosari Alisher Temirov quyidagicha javob berdi:
Vazirlar Mahkamasining 2016 yil 8 iyundagi 191-son “Dori vositalari va tibbiy buyumlarni jismoniy shaxslar tomonidan shaxsiy foydalanish uchun olib kirish hamda olib chiqish tartibi to`g`risidagi nizomni tasdiqlash haqida”gi Qaroriga muvofiq:
️Yashash yoki bo`lish mamlakati tibbiyot muassasasi tomonidan berilgan hujjat taqdim etilmasdan quyidagilar jismoniy shaxslar tomonidan shaxsiy foydalanish uchun olib o`tilishi mumkin:
️Bunda bir o`ramda:
🔹qattiq (tabletkalar, drajelar, granulalar, kukunlar, kapsulalar) dori shakllari uchun — 100 birlikdan ortiq emas;
🔹eritma tayyorlash uchun qo`llaniladigan kukunlar uchun — 500 grammdan ortiq emas;
🔹granula shakldagi gomeopatik dori vositalari uchun — 50 grammdan ortiq emas;
🔹infuzion eritmalar va oral (og`iz orqali) qo`llaniladigan eritmalar uchun — 500 millilitrdan ortiq emas;
🔹in`eksiyalar uchun eritmalar — 10 ampuladan yoki 10 flakondan ortiq emas;
🔹tashqi dorilar uchun — 200 millilitrdan yoki 200 grammdan ortiq emas.
Dori vositalari va tibbiy buyumlar ishlab chiqaruvchining o`ramida bo`lishi kerak.
