AOKA zalida bo`lib o`tgan matbuot anjumanida Toshkent shahridagi saralash va taqsimlash markazi bosh shifokori Alisher Hojimetov koronavirusga chalingan bemorlarga nega osma ukol qilinmayotganiga aniqlik kiritdi.
"Ayrim bemorlarimiz nima uchun osma-ukol olmayapmiz, deyishadi. Shu fursatdan foydalanib, xalqimizga murojaat qilmoqchiman.
Hurmatli yurtdoshlar, bilib olinglar, koronavirusga chalingan bemorlarga osma-ukol mumkin emas. Chunki bu bemorning ahvolini yanayam og`irlashtiradi. Faqatgina eng zarur hollarda, shifokorning bevosita nazorati ostida qilinishi mumkin. Istisno tariqasida. Biroq uy sharoitida osma-ukol qilish aslo mumkin emas»,
— dedi Alisher Hojimetov.