АОКА залида бўлиб ўтган матбуот анжуманида Тошкент шаҳридаги саралаш ва тақсимлаш маркази бош шифокори Алишер Ҳожиметов коронавирусга чалинган беморларга нега осма укол қилинмаётганига аниқлик киритди.
"Айрим беморларимиз нима учун осма-укол олмаяпмиз, дейишади. Шу фурсатдан фойдаланиб, халқимизга мурожаат қилмоқчиман.
Ҳурматли юртдошлар, билиб олинглар, коронавирусга чалинган беморларга осма-укол мумкин эмас. Чунки бу беморнинг аҳволини янаям оғирлаштиради. Фақатгина энг зарур ҳолларда, шифокорнинг бевосита назорати остида қилиниши мумкин. Истисно тариқасида. Бироқ уй шароитида осма-укол қилиш асло мумкин эмас»,
— деди Алишер Ҳожиметов.