Pandemiya sharoitida shifoxonalarda koronavirus infeksiyasiga chalingan bemorlarni davolash uchun zarur kislorodli konsentratorlarga talab oshdi. Shuni hisobga olgan Oliy Majlis Senati a`zosi Nurmuhammad Ochilov xayrli ish tashabbuskori bo`ldi, dedi Xalq so`zi muxbiri.
Buxorodagi «Parvoz Xumo Ravnaq Trans» mas`uliyati cheklangan jamiyati ta`sischisi sanalgan N. Ochilov Xitoydan 100 dona kislorodli konsentrator xarid qilib, ularni G`ijduvon, Olot, Jondor, Vobkent, Shofirkon tuman va Kogon shahar tibbiyot birlashmalari hamda viloyat ko`p tarmoqli tibbiyot markaziga etkazishga bosh-qosh bo`ldi.
Viloyatdagi «Merganteks» paxta-to`qimachilik klasteri tomonidan ham xarid qilingan 100 dona xuddi shunday tibbiy uskuna ham shifo maskanlariga topshirildi.
