Respublika maxsus komissiyasi fuqarolarni avtoransport va metropoliten xizmatlaridan foydalanilganda aholi o`rtasida niqob taqish hamda ijtimoiy masofa saqlash rejimiga qat`iy rioya qilishga chaqiradi, deb yozmoqda SSV rasmiy sayti.
Niqobsiz yurish QAT`IYaN MAN QILINADI! Tartibga rioya qilmaganlarga nisbatan qat`iy choralar qo`llaniladi va jarimaga tortiladi.
Turli savdo majmualari, bozorlar, do`konlarda yurilganda qo`llarni tashqi yuzalarga tegishidan himoyalashni ta`minlash uchun QO`LQOPLARdan foydalanish zarur.
Evropa va Osiyo mamlakatlari tajribasi shuni ko`rsatmoqdaki, faqatgina IJTIMOIY MASOFAga va majburiy NIQOB TAQISh REJIMIGA qat`iy rioya qilinishi pandemiya tarqalishining oldini olishga yordam beradi.
Infeksiya tarqalishiga qarshi birgalikda kurashish, unga qarshi mustahkam turish maqsadida fuqarolarni yuqorida aytib o`tilgan talablarga so`zsiz va qat`iy amal qilishga chaqiramiz. Sizlardan ogoh va o`ta talabchan bo`lishni, do`st va yaqinlaringizni ushbu qoidalarga rioya etishga undashingizni so`raymiz.
