Ijtimoiy tarmoqlarda Toshkent shahar Chilonzor tumanidagi "Qozirabod" chorrahasida avtomobil yonib ketgani aks etgan video tarqaldi. Ushbu video yuzasidan YHXB axborot xizmati ma`lumot berdi.
Xabarga ko`ra, hodisa bugun, 15 avgust kuni soat 16:40 larda Toshkent shahar Chilonzor tumani Chilonzor-KXAY chorrahasi yaqinida yuz bergan. Yong`in chiqqan “Mazda” rusumli transport vositasi fuqaro I.K.ga tegishli bo`lgan.
Yong`in o`t o`chiruvchilar tomonidan bartaraf etilgan. Yong`in natijasida tan jarohati olganlar yo`q.
Toshkent shahar, Chilonzor tumani FVB hamda YHXB tomonidan surishtiruv ishlari olib borilib yong`in sabablariga aniqlik kiritilmoqda, deyiladi xabarda.
Taqdim etilgan suratlardan ko`rish mumkinki, avtomobil butunlay yonib ketgan.
