Shifoxonadan chiqdim, lekin yo`tal bezovta qilayapti. Menga lazolvan dorisi bilan ingalyasiya qilish kerakligini aytishdi. Shu to`g`rimi?
AOKA shtabida bo`lib o`tgan brifingda Koronavirusga qarshi kurashish shtabi a`zosi Barno Abdusamatova mazkur savolga javob berdi:
— Ba`zida bemorlar qayta tiklanish jarayonini o`zlari orqaga suradilar, chunki yo`tal tez ketmaganligi sababli mukolitik (lazolvan) yordamida ingalyasiya oladilar.
Biroq biz bunday davolashni tavsiya etmaymiz. Chunki mukolitiklar yo`talni kuchaytiradi va yana nafas olishi siqayotganga o`xshash holatni keltiradi. Shifokorlar mineral suv va fiziologik eritma bilan olishni tavsiya etadilar. Lekin barchasi shifokor tavsiyasi va nazorati bilan qilinishi kerak.