AQShning The New York Times gazetasining bugungi sonida Reuters agentligiga tegishli O`zbekistonda boshlangan test sinovlariga oid maqola e`lon qilindi.
«O`n minglab yoshlar chorshanba kuni universitetlarga kirish imtihonlarini koronavirus pandemiyasi sababli ochiq havoda topshirish uchun butun O`zbekiston bo`ylab sport arenalariga yo`l olishdi» deyiladi maqolada.
Unda 1,4 milliondan ortiq abiturientlar stadionlar, ularning yugurish yo`laklaridagi stollarda sinovlarni topshirayotgani ta`kidlangan.
«Chorshanba kuni ertalab Toshkentdagi stadionlardan biridagi test topshirish jarayonida yuzlab yigit-qizlar niqob kiyib qatnashdilar. Soyada o`tirganlar uchun ob-havo qulay edi, boshqa sinovchilar o`zlarini to`g`ridan-to`g`ri quyosh nurlaridan himoya qilish uchun kiyim va qog`ozlardan foydalanishdi» deb yozadi nashr.
