Bugun Koronavirusga qarshi kurash shtabi a`zosi Rustam Ikromov AOKAda o`tkazilgan brifingda aholidan tushgan savollarga javob qaytardi.
Ikromovning qayd etishicha, bugungi kunda kuniga 30 mingdan 40 mingtaga test tahlili o`tkazilyapti. Shundan 200-250 tagacha holatda musbat natija aniqlanyapti.
Mutaxassisis, shuningdek, dezinfeksion tunnellarni umuman foydasi bo`lmadi, deb baholash xato fikr ekanini ta`kidladi.
Birgina o`tkir ichak yuqumli kasalliklarini 2019 yil 6 oyligiga nisbatan, joriy yil shu davrida 61 foizga kamayganligi, virusli gepatit “A” turi 76 foizga kamayganligini o`zi ushbu dezinfeksiya choralarini yuqumli kasalliklarning tarqalishida o`rin tutganligini bildiradi.
️Ikromovning qo`shimcha qilishicha, bugungi kunga qadar dezinfeksiya tunnellarini koronavirusga qarshi ta`sir samarasi qaysidir mamlakat tomonidan o`rganilganligi to`g`risida rasmiy maqolalar chop etilmagan.
Eslatib o`tamiz, Respublika ixtisoslashtirilgan allergologiya ilmiy-amaliy tibbiyot markazi direktori, tibbiyot fanlari doktori, professor Ilmira Raziqova bunday tunnellaring inson organizmiga zararli tomonlari haqida so`zlab bergan edi.