Бугун Коронавирусга қарши кураш штаби аъзоси Рустам Икромов АОКАда ўтказилган брифингда аҳолидан тушган саволларга жавоб қайтарди.
Икромовнинг қайд этишича, бугунги кунда кунига 30 мингдан 40 мингтага тест таҳлили ўтказиляпти. Шундан 200-250 тагача ҳолатда мусбат натижа аниқланяпти.
Мутахассисис, шунингдек, дезинфекцион туннелларни умуман фойдаси бўлмади, деб баҳолаш хато фикр эканини таъкидлади.
Биргина ўткир ичак юқумли касалликларини 2019 йил 6 ойлигига нисбатан, жорий йил шу даврида 61 фоизга камайганлиги, вирусли гепатит “А” тури 76 фоизга камайганлигини ўзи ушбу дезинфекция чораларини юқумли касалликларнинг тарқалишида ўрин тутганлигини билдиради.
️Икромовнинг қўшимча қилишича, бугунги кунга қадар дезинфекция туннелларини коронавирусга қарши таъсир самараси қайсидир мамлакат томонидан ўрганилганлиги тўғрисида расмий мақолалар чоп этилмаган.
Эслатиб ўтамиз, Республика ихтисослаштирилган аллергология илмий-амалий тиббиёт маркази директори, тиббиёт фанлари доктори, профессор Илмира Разиқова бундай туннелларинг инсон организмига зарарли томонлари ҳақида сўзлаб берган эди.
