Oliy Majlis quyi palatasining deputati Rasul Kusherbaev o`zining telegramdagi kanali orqali bir necha kundan buyon o`qituvchilarning maktablarga dizinfeksiya va antiseptik vositalar olish yoki bunga homiylar topish masalasi ularga majburiy yuklatilayotgani haqida murojaatlar bo`layotganligini aytmoqda.
Uning aytishicha, o`qituvchilar bilan bog`liq bunday muammolar bir hududda emas, deyarli barcha viloyatlarda uchramoqda.
Xalq vakili "o`qituvchilarni majburiy mehnatdan xalos qilganmiz, deb quvonib yurganimizda majburiylikning boshqacha ko`rinishiga o`tilayaptimi?", degan savolni o`rtaga tashlagan.
Xalq ta`limi vazirligi va viloyat hokimliklaridan bu "innovasion tadbirga" asoslantirilgan tushuntirish berishlarini so`ragan.
Eslatib o`tamiz, Xalq ta`limi vaziriligining Matbuot kotibi maktablarga dezinfeksiya vositalari mahalliy hokimliklar tomonidan etkazib beriladi, o`qituvchilar tomonidan emas, degan bayonot bilan chiqish qilgan edi.