Олий Мажлис қуйи палатасининг депутати Расул Кушербаев ўзининг телеграмдаги канали орқали бир неча кундан буён ўқитувчиларнинг мактабларга дизинфекция ва антисептик воситалар олиш ёки бунга ҳомийлар топиш масаласи уларга мажбурий юклатилаётгани ҳақида мурожаатлар бўлаётганлигини айтмоқда.
Унинг айтишича, ўқитувчилар билан боғлиқ бундай муаммолар бир ҳудудда эмас, деярли барча вилоятларда учрамоқда.
Халқ вакили "ўқитувчиларни мажбурий меҳнатдан халос қилганмиз, деб қувониб юрганимизда мажбурийликнинг бошқача кўринишига ўтилаяптими?", деган саволни ўртага ташлаган.
Халқ таълими вазирлиги ва вилоят ҳокимликларидан бу "инновацион тадбирга" асослантирилган тушунтириш беришларини сўраган.
Эслатиб ўтамиз, Халқ таълими вазирилигининг Матбуот котиби мактабларга дезинфекция воситалари маҳаллий ҳокимликлар томонидан етказиб берилади, ўқитувчилар томонидан эмас, деган баёнот билан чиқиш қилган эди.
