O`zbekiston Respublikasi Favqulodda vaziyatlar vazirligi rahbariyati va shaxsiy tarkibi Qoraqalpog`iston Respublikasi Favqulodda vaziyatlar boshqarmasi Qo`ng`irot tumani Favqulodda vaziyatlar bo`limi boshlig`i podpolkovnik Akimov Kuanishbay Mirzabaevich hamda Xorazm viloyati Favqulodda vaziyatlar boshqarmasi Qo`shko`pir tumani Favqulodda vaziyatlar bo`limi boshlig`i mayor Jabbarov Doniyor Raximovichlarnining vafoti munosabati bilan marhumlarning oila a`zolariga chuqur ta`ziya izhor etadi.
Shu kunga qadar ushbu xodimlar koronavirus ifeksiyasi bilan xastalanib, shifoxonaga yotqizilgan edi.
Podpolkovnik Akimov Kuanishbay Mirzabaevich, 20 yildan ortiq muddat davomida Qoraqalpog`iston Respublikasining Yong`in xavfsizligi boshqarmasida turli lavozimlarda xizmat qilib kelgan.
Mayor Jabbarov Doniyor Raximovich ham vazirlik tizimida 2005 yil aprel oyidan buyon turli lavozimlarda xizmat qilgan.
Yuqorida nomlari tilga olingan xodimlarimiz, afsuski, ko`rinmas yovga qarshi kurashib, xalqimizning tinchligi va farovonligi yo`lida o`z xizmat burchini bajarish chog`ida ushbu kasallikni yuqtirib olganlar.
Ular so`nggi nafasiga qadar elu yurt manfaatlari yo`lida sadoqat bilan xizmat qilib, insonlarning tinch, xotirjam va farovon hayoti uchun shirin jonlarini ayamadilar. Ko`rsatgan fidoyiliklari va matonati aslo xotiramizdan o`chmaydi. Deyiladi FFVning rasmiy axborot telegram kanalida.
