2020 yil 14 sentyabr kuni soat 09:00da Sirdaryo tumani Kamolot MFY hududidan o`tuvchi M-39 avtoyo`lining 874-km Termiz-Toshkent yo`nalishida YTH sodir etilgan.
Sirdaryo viloyati IIB YHXB Axborot xizmati bergan ma`lumotga ko`ra, Sirdaryo tumani Kamolat MFY da yashagan, 2000 yilda tug`ilgan haydovchi X.I. kulrang, "Neksiya-3" avtomashinasida ketayotib boshqaruvni yo`qotadi va yo`lning chap tomonidagi daraxtga urilib, unga qarama-qarshi yo`nalishda harakatlanib kelayotgan Sirdaryo tumani Matonat MFY da yashovchi 1989 yilda tug`ilgan haydovchi A.B.ning "Gazel" avtomashinasi bilan to`qnashadi.
Natijada "Neksiya-3" haydovchisi X.I. “peshona sohasida shilinma va gematoma, chap yuqori qovoq burun sohalari qontalash va kesilgan jaroxati, ko`krak qafasi yopiq jaroxati, qovurg`alar sinishi, ichki qon ketishi” tashxisi bilan Sirdaryo tumani tibbiyot birlashmasida vafot etgan. Ma`lum qilinishicha, vafot etgan haydovchi xavfsizlik kamarini taqmagan, 2 yillik haydovchilik stajiga ega bo`lgan.
"Gazel"da bo`lgan 1974 yilda tug`ilgan yo`lovchi D.O.ga Sirdaryo tumani tibbiyot birlashmasida birinchi tibbiy yordam ko`rsatilib, chiqarib yuborilgan.
Holat yuzasidan Sirdaryo tumani IIB TB tomonidan surishtiruv harakatlari olib borilmoqda.
