“Gidrometeorologiya xizmati markazi”ning ma`lumotiga ko`ra, bugun poytaxtda shamol va qisqa muddatli yomg`ir kutilmoqda. Shamol tezligi 12-17 m/s gacha etishi mumkin.
Shu munosabat bilan, Toshkent shahar hokimligi shamol daraxtlar va shoxlarni sindirishi, mustahkam o`rnatilmagan konstruksiyalarni o`rnidan qo`zg`atishi mumkinligidan ogohlantirmoqda.
Bundan ularning ostidagi odamlar va avtotransport vositalariga shikast etishi mumkin.
Barcha toshkentliklar va poytaxtimiz mehmonlaridan kuchli shamol kuzatilganida ko`chada harakatlanmasliklarini, avtomobillarini daraxtlar va boshqa turli mustahkam bo`lmagan konstruksiyalardan uzoqroq, xavfsiz joyga qo`yishlarini so`raymiz.
O`zingiz va mulkingizni baxtsiz hodisalardan asrang, deyiladi xabarda.
