Sanitariya-epidemiologik osoyishtalik agentligi bosh mutaxassisi Dilorom Tursunova "Grippga qarshi vaksina pnevmoniyadan ham himoya qiladimi?" degan degan savolga javob berdi.
Mutaxassisning so`zlariga ko`ra, vaksina olganlar grippga 100 foiz chalinmaydi, deb hech kim kafolat bermaydi. Ammo grippga qarshi vaksina yo`riqnomasida 98 foiz himoya qilishi ko`rsatilgan.
"Gripp o`z vaqtida samarali davolanmasa, organizmda asoratlar qoldirishi mumkin. Pnevmoniya — grippning eng kuchli salbiy ta`sirlaridan biri hisoblanadi. Grippga qarshi emlanganlar bevosita pnevmoniyadan ham himoyalangan bo`ladi", - deydi D.Tursunova.
