Turli sonlar, zerikarli va tushunarsiz hisobotlardan charchaganlar uchun Davlat statistika qo`mitasi antiqa va qiziqarli raqamlar haqida ma`lumotlarni ulashdi. O`tgan 2019 yil va 2020 yilning 8 oyi mobaynida tahlil qilingan ma`lumotlar qiziqish va e`tiboringizga sazovor bo`lishiga ishongan holda, sizlarga taqdim qilamiz.
O`TGAN OYLARDA ENG KO`P VA ENG KAM NIKOH QAYD ETILGAN VILOYaTLAR
2020 yilning 8 oyida respublika bo`yicha 138 646 ta nikoh holatlari FHDYo organlarida qayd etilgan. Bu ko`rsatkich o`tgan yilning mos davri bilan solishtirilganda 22 973 taga kam.
Joriy yilning avgust oyida respublika bo`yicha eng ko`p nikoh 5035 ta qayd bilan Farg`ona viloyatida kuzatildi. O`tgan 8 oyda esa FHDYo organlarida qayd etilgan nikohlar soni bo`yicha Farg`ona – 15611 ta, Samarqand – 14282 ta, Qashqadaryo – 14261 ta, Andijon – 13029 ta va 13011 ta bilan Toshkent viloyatlari etakchilik qilgan. Sentyabrgacha eng kam nikoh holatlari esa Navoiy (4320 ta) viloyatida qayd etilgan.
AYoLLAR VA ERKAKLAR ENG KO`P FAOLIYaT YuRITADIGAN SOHALAR
2019 yilda korxona va tashkilotlarda ishlovchilarning 42,1 foiz ayollar va 57,9 foiz ni erkaklar tashkil etgan.
Sog`liqni saqlash va ijtimoiy xizmatlar ko`rsatish sohasida eng ko`p ayollar (76,8 foiz) faoliyat yuritgan. Tashish va saqlashda 92,8 foiz va qurilish sohasida 93,8 foiz erkaklar ishlagan.
O`TGAN YIL ENG KO`P IShSIZLAR SONIGA EGA BO`LGAN HUDUDLAR
2020 yil 1 yanvar holatiga ko`ra, eng ko`p ishsizlar soniga ega bo`lgan hududlar:
Farg`ona – 152,2 ming kishi;
Samarqand – 148,4 ming kishi;
Andijon – 129,4 ming kishi;
Qashqadaryo – 125,3 ming kishi;
Toshkent – 120,6 ming kishi;
Namangan – 110,1 ming kishi.
YuRTIMIZGA QAYSI DAVLATLARDAN INVESTISIYaLAR ENG KO`P KIRITILGAN?
2019 yilda O`zbekiston Respublikasida asosiy kapitalga o`zlashtirilgan investisiyalar hajmi 195,9 trln. so`mni tashkil etgan. O`sish sur`ati 138,1 foiz ga teng bo`lib, jami xorijiy investisiya va kreditlar tarkibida xorijiy investorlar ulushi quyidagicha:
ENG KO`P AVTOTRANSPORT VOSITALARI BOR VILOYaTLAR REYTINGI
2020 yilning 1 yanvar holatiga ko`ra, O`zbekiston Respublikasida jismoniy shaxslarga tegishli bo`lgan avtotransport vositalarining soni 2 580 133 tani tashkil etgan. Shulardan:
Eng ko`p avtotransport vositalari esa Toshkent shahri (417 646 ta), Samarqand (311 997 ta), Toshkent (253 073 ta) va Farg`ona (243 230 ta) viloyatlari aholisi xissasiga to`g`ri keladi.
47 FOIZ XONADONLARDA AVTOMOBIL VA BIR XONADONDA QARIYB UChTA TELEFON APPARATI BOR
Uy xo`jaliklari tanlama kuzatuvlari ma`lumotlariga asosan 2019 yilda o`rtacha har 100 ta uy xo`jaligiga 47 ta engil avtomobil, shuningdek, televizorlar 160 ta, kompyuterlar 55 ta, telefon apparatlari esa 282 taga to`g`ri kelgan.
ENG KO`P VA ENG KAM QAYSI RUSUM AVTOMOBILLARI IShLAB ChIQARILDI?
O`zbekistondao`tgan yanvar-avgust oylaridajami 52 202 dona“Cobalt”avtomobiliishlabchiqarilib,o`tganyilningshudavriganisbatan 144,9 foiz o`sishsur`atigaegabo`ldi. Eng kami 5 327 dona “Labo“ avtomobili ishlab chiqarilgan bo`lsa-da, bu ham o`tgan yilning shu davriga nisbatan 105,7 foizga ko`p.
Bundan tashqari, avtomobil ishlab chiqarish sanoatida 2020 yilning yanvar-avgust oylarida 46 904 dona “Nexia T-250” (93,6 foiz), 35 150 dona “Lacetti-Gentra” (127,9 foiz), 35 322 dona “Damas” (110,2 foiz), 18 275 dona “Spark” (128,6 foiz) avtomobillari ishlab chiqarilgan.
Sardorbek RAHMONQULOV tayyorladi
