Xalq ta`limi vaziri Sherzod Shermatov boshlab bergan #ustozingdan_xabar_ol chellenji davom etmoqda.
Vazir o`rinbosari Rustam Karimjonov ham Sergeli tumanidagi 300-sonli ixtisoslashtirilgan davlat maktabiga bordi va ustozlarini yo`qladi.
Vazir o`rinbosari bir yo`la ikki ustozi — Nodira Sadriddinova (sinf rahbari) va Inobat Xamraeva (matematika fani o`qituvchisi) bilan uchrashib, tashshakurnoma va esdalik sovg`alarini topshirdi.
Rustam Karimjonov aniq fanlarga qiziqish uyg`otgan, mantiqiy va tanqidiy fikrlashga o`rgatgan matematika o`qituvchisi hamda ta`lim bilan birga tarbiya bergan, doim ruhlantirgan sinf rahbariga minnatdorlik bildirdi.
