“O`zbekneftgaz” AJ Matbuot xizmatining xabar berishicha, aytni paytda jamiyat Boshqaruv raisi Mehriddin Abdullaevning topshirig`iga asosan, joriy yilda ishga tushiriladigan sintetik suyuq yoqilg`i ishlab chiqarish “Uzbekistan GTL” zavodi uchun munosib kadrlar tayyorlash va tanlash bo`yicha qator dasturlar amalga oshirilmoqda.
Ushbu maqsadlar doirasida zavod uchun kadrlar tayyorlash dasturini kengaytirish hamda iqtidorli talabalarni moddiy va ijtimoiy qo`llab-quvvatlash maqsadida “Uzbekistan GTL” MChJ 2020/2021 o`quv yili uchun stipendiya dasturini e`lon qiladi.
Stipendiya dasturida ishtirok etish shartlari bo`yicha batafsil ma`lumotlarni jamiyatning rasmiy veb-sayti www.oltinyolgtl.com va telegram-kanalida @uzbgtl orqali olishingiz mumkin.
Tanlovda ishtirok etmoqchi bo`lgan talabalar joriy yilning 15 oktyabrga qadar quyidagi havola orqali onlayn ro`yxatdan o`tishlari mumkin.
© “Uzbekistan GTL” arxividan olindi
Eslatib o`tamiz, “Uzbekistan GTL” kompaniyasining stipendiya dasturi 2019/2020 o`quv yilida ta`sis etilgan. Dastur g`oliblariga Kompaniya tomonidan bir o`quv yili davomida maxsus oylik stipendiyasidan tashqari, Kompaniyaning ofislarida malaka oshirish, “GTL” zavodida amaliyotni o`tash hamda o`qishni tamomlagach, o`z mutaxassisligi bo`yicha ishga qabul qilinish imkoniyatlariga ega bo`ladi.
