Kuni kecha Osiyo taraqqiyot banki tomonidan videokonferensiya shaklida "O`zbekiston Respublikasida STEM ta`limini rivojlantirish" mavzusida seminar o`tkazildi, unda Xalq ta`limi vazirligi hamda Osiyo taraqqiyot banki vakillari ishtirok etdi.
Video-seminar davomida Osiyo taraqqiyot bankining O`zbekiston Respublikasidagi missiyasi rahbari – Sindi Malvichini xalq ta`limi sohasida amalga oshirilgan ishlarni yuqori baholadi.
Xalq ta`limi vazirligining Osiyo taraqqiyot banki bilan qo`shma loyihasi doirasida Respublika davlat umumta`lim maktablarida STEM-ta`lim (fan, texnologiya, muhandislik va matematika) infratuzilmasini rivojlantirishga 100 mln. AQSh dollari miqdorida sarmoya kiritish rejalashtirilgani ta`kidlandi.
Uchrashuv so`ngida Xalq ta`limi vaziri – Sherzod Shermatov Osiyo taraqqiyot banki vakillariga Respublika xalq ta`limi sohasini isloh qilish borasidagi yo`lga qo`yilgan hamkorlik uchun o`z minnatdorchiligini bildirdi.