Куни кеча Осиё тараққиёт банки томонидан видеоконференция шаклида "Ўзбекистон Республикасида STEM таълимини ривожлантириш" мавзусида семинар ўтказилди, унда Халқ таълими вазирлиги ҳамда Осиё тараққиёт банки вакиллари иштирок этди.
Видео-семинар давомида Осиё тараққиёт банкининг Ўзбекистон Республикасидаги миссияси раҳбари – Синди Малвичини халқ таълими соҳасида амалга оширилган ишларни юқори баҳолади.
Халқ таълими вазирлигининг Осиё тараққиёт банки билан қўшма лойиҳаси доирасида Республика давлат умумтаълим мактабларида STEM-таълим (фан, технология, муҳандислик ва математика) инфратузилмасини ривожлантиришга 100 млн. AҚШ доллари миқдорида сармоя киритиш режалаштирилгани таъкидланди.
Учрашув сўнгида Халқ таълими вазири – Шерзод Шерматов Осиё тараққиёт банки вакилларига Республика халқ таълими соҳасини ислоҳ қилиш борасидаги йўлга қўйилган ҳамкорлик учун ўз миннатдорчилигини билдирди.