Bugun ertalab, Xalq deputatlari Oltinko`l tuman Kengashining navbatdan tashqari sessiyasida Andijon viloyati Oltinko`l tumani hokimi lavozimiga Matruziev Iqbolbek Xasanboevich tayinlanganligi haqida xabar bergan edik.
Xalq deputatlari Xonobod shahar Kengashining navbatdan tashqari sessiyasida esa Andijon viloyati Xonobod shahar hokimi lavozimiga Tajibaev Mash`al Xurmamatovich tayinlandi. Bu haqda Andijon viloyati hokimligi xabar berdi.
Tajibaev Mash`al Xurmamatovich 1984 yilda Andijon shahrida tug`ilgan.
2007 yilda Toshkent arxitektura qurilish institutini tamomlagan.
Mehnat faoliyatini 2003 yili Andijon pudrat savdolarini tashkil etish va o`tkazish Andijon viloyat boshqarmasi mutaxassisi vazifasidan boshlagan.
2004-2010 yillarda Qurilishda tanlov savdolari va narxlarni shakllantirish hududiy konsalting markazi etakchi mutaxassisi, bo`lim boshlig`i, bosh mutaxassis, tanlov savdolarini tashkil etish bo`limi boshlig`i, markazi etakchi mutaxassisi bo`lgan.
Tayinlovga qadar Tajibaev Mash`al Xurmamatovich, Andijon viloyati uy-joy kommunal xizmat ko`rsatish boshqarmasi boshlig`i lavozimida faoliyat yuritgan.
Eslatib o`tamiz Xonobod shaharining avvalgi hokimi Musaxon Mamadaliev joriy yilning sentyabrida pnevmoniya sabab vafot etgan edi.
