O`zbekistonda 2020 yilda etishtirilgan paxta xomashyosining minimal narxlari belgilandi.Bu haqda Qishloq xo`jaligi vazirligi Axborot xizmati xabar berdi. O`zbekiston Respublikasi Prezidentining 2020 yil 6 martdagi PQ–4633-son “Paxtachilik sohasida bozor tamoyillarini keng joriy etish chora-tadbirlari to`g`risida”gi qaroriga muvofiq, O`zbekiston Respublikasi Qishloq xo`jaligi vazirligi, Iqtisodiy taraqqiyot va kambag`allikni qisqartirish vazirligi, O`zbekiston fermer, dehqon xo`jaliklari va tomorqa er egalari kengashi va “O`zto`qimachiliksanoat” uyushmasiga jahon bozori narxlari tahlilidan kelib chiqib, paxta xomashyosining minimal narxlarini e`lon qilib borish vazifasi yuklatilgan. O`zbekiston Respublikasi Prezidentining 2020 yil 5 maydagi PF-5989-son “To`qimachilik va tikuv-trikotaj sanoatini qo`llab-quvvatlashga doir kechiktirib bo`lmaydigan chora-tadbirlar to`g`risida”gi Farmoniga muvofiq mahalliy ishlab chiqarilgan bazaviy sifatdagi paxta tolasining boshlang`ich narxi Nyu-York tovar birjasining eng yaqin etkazib berish oyi uchun fyuchers kotirovkasi qiymatidan kelib chiqqan holda belgilanishi qayd etilgan. Joriy yilning 23 oktyabr holatiga Nyu-York tovar birjasi yanvar-oktyabr oylarida 1 tonna paxta tolasining (Strict Low Middling) o`rtacha fyuchers kotirovkalari AQShning (Galveston, Xyuston, (Texas shtati), Memfis (Tennesi shtati), Yangi Orlean (Luiziana shtati)) portlariga etkazib berish sharti bilan 1375,7 AQSh dollarini tashkil etdi. Jahon bozorida shakllangan narxlar, paxta-to`qimachilik klasterlari, kooperasiyalar va fermer xo`jaliklarining, yuqorida qayd etilgan qarorga muvofiq mas`ul etib belgilangan vazirlik va idoralarning takliflarini, shuningdek, paxta xomashyosini qayta ishlash, logistika va boshqa taalluqli xarajatlarni inobatga olgan holda O`zbekiston Respublikasi Qishloq xo`jaligi vazirligi O`zbekistonda etishtirilgan to`rtinchi tip ikkinchi nav birinchi sinf 1 tonna paxta xomashyosining minimal narxi qo`shilgan qiymat solig`i bilan birga 4522,5 ming so`mni tashkil etganligini e`lon qiladi. Ushbu minimal narxdan kelib chiqqan holda, paxta xomashyosini etishtiruvchi va uni qabul qiluvchi sub`ektlar shartnomaviy munosabatlar doirasida boshqa yuqori yoki past navli va sinfli paxta xomashyosining narxlarini o`zaro manfaatli kelishuv asosida mustaqil ravishda belgilashadi.
| |
07.10.2021, 16:02
2019 yildan buyon 7 oktyabr dunyoda Xalqaro paxta kuni sifatida nishonlanib kelinadi. Bu sanani nishonlash taklifi Jahon savdo tashkiloti, Birlashgan Millatlar Tashkilotining oziq-ovqat va qishloq xo`jaligi tashkiloti...
27.09.2021, 21:49
Oltiariqdagi paxta qabul qilish punktida yong`in chiqdi. Bu haqda FVV xabar berdi.Qayt etilishicha, 2021 yil 27 sentyabr kuni soat 13:27da Oltiariq tumani "Poloson" MFY, Marg`ilon...
30.01.2021, 16:18
Bugun, 30 yanvar kuni AOKAda Bandlik va mehnat munosabatlari vazirligi Davlat mehnat inspeksiyasi boshlig`i Qudratilla Odinaev ishtirokida brifing o`tkazildi. Brifingda Xalqaro mehnat tashkilotining “Uchinchi tomon monitoringi”...
22.10.2020, 23:11
Toshkent viloyati fermerlari davlatga paxta topshirish rejasini bajarishdi. Bu haqda hokimlik xabar bermoqda.Manbaning ma`lum qilishicha, Toshkent viloyatida 2020 yilda shartnoma bo`yicha 229 600 tonna paxta...
