Joriy yilning 03 noyabr kuni IIV Transportda XTBB boshlig`i rahbarligidagi ishchi guruh tomonidan Darband temir yo`l bekatining ish faoliyati o`rganilganida, bekatga shu kuni Tojikiston Respublikasining Dushanbe-2 temir yo`l bekatidan-Rossiya Federasiyasining Smolensk shahar Ryabsova temir yo`l bekatiga xarakatlanib kelaetgan poezd, O`zbekiston Respublikasidan tranzit tarzda Quduqli bekatidan Qumqo`rg`on bekati orqali Darband temir yo`l bekatiga kelib to`xtagan. Ushbu sostavning tarkibida bo`lgan, yopiq turdagi vagon shubha o`yg`otganligi sababli yuk poezdi tarkibidan uzilib, xolislar ishtirokida tekshirilganida, vagonning “Xrebtovy balka” oralig`iga o`rnatilgan maxsus temir listlar balgarka yordamida kesib ochib ko`rilganda, balka orasida qora rangli selofan paketlarga skotch bilan o`ralgan oq rangli 5-litr xajmli bo`lgan jami 21 dona elim idishlar borligi aniqlanib, ashyoviy dalil sifatida olindi.Bu haqda IIV Transportda XTBB xabar berdi.  O`tkazilgan tekshiruvlar natijasida EKB ning xulosasiga ko`ra 11 dona elim idishda 30 kg. 395 gr. “gashish” giyoxvandlik moddasi va 10 dona elim idishda 42 kg. 54 gr. o`tkir xidli suyuq giyoxvandlik moddasi ya`ni “gashish moyi” borligi aniqlandi.     Ushbu xolat yuzasidan jinoyat ishi qo`zg`atilib, tergov harakatlari olib borilmoqda.
|
