Жорий йилнинг 03 ноябр куни ИИВ Транспортда ХТББ бошлиғи раҳбарлигидаги ишчи гуруҳ томонидан Дарбанд темир йўл бекатининг иш фаолияти ўрганилганида, бекатга шу куни Тожикистон Республикасининг Душанбе-2 темир йўл бекатидан-Россия Федерациясининг Смоленск шаҳар Рябцова темир йўл бекатига харакатланиб келаетган поезд, Ўзбекистон Республикасидан транзит тарзда Қудуқли бекатидан Қумқўрғон бекати орқали Дарбанд темир йўл бекатига келиб тўхтаган. Ушбу составнинг таркибида бўлган, ёпиқ турдаги вагон шубҳа ўйғотганлиги сабабли юк поезди таркибидан узилиб, холислар иштирокида текширилганида, вагоннинг “Хребтовый балка” оралиғига ўрнатилган махсус темир листлар балгарка ёрдамида кесиб очиб кўрилганда, балка орасида қора рангли целофан пакетларга скотч билан ўралган оқ рангли 5-литр хажмли бўлган жами 21 дона елим идишлар борлиги аниқланиб, ашёвий далил сифатида олинди.Бу ҳақда ИИВ Транспортда ХТББ хабар берди.  Ўтказилган текширувлар натижасида ЭКБ нинг хулосасига кўра 11 дона елим идишда 30 кг. 395 гр. “гашиш” гиёхвандлик моддаси ва 10 дона елим идишда 42 кг. 54 гр. ўткир хидли суюқ гиёхвандлик моддаси яъни “гашиш мойи” борлиги аниқланди.     Ушбу холат юзасидан жиноят иши қўзғатилиб, тергов ҳаракатлари олиб борилмоқда.
|
