Joriy yilning noyabr oyi oxirlarida Navoiy viloyati Xatirchi tumanida 1987 yilda tug`ilgan "qaxramon"imiz (F.I.Sh o`zgartirilgan) Toirov Tolmasjon mast holda, o`zaro kelishmovchilik natijasida, qo`shnisi 1948 yilda tug`ilgan (F.I.Sh o`zgartirilgan) Berdieva Mexrigulni yashash hovlisida urib, unga tan jarohati etkazadi. Bu haqda Navoiy viloyati IIB Axborot xizmati xabar berdi.
U hozirda Xatirchi tumani A.Temur maxallasida yashaydi, shu yoshga kirgunga qadar biron kasbni boshini tutmagan, xanuzgacha ishsiz.
Xatirchi tumani tibbiyot birlashmasining ma`lumotnomasiga ko`ra, Berdieva Mexrigulga “o`rtacha og`irlikdagi tan jarohati” etkazganligi ma`lum bo`ldi. Mazkur holat yuzasidan T.Toirovga nisbatan O`zbekiston Respublikasi Jinoyat kodeksining 105-moddasi 1-qismi bilan jinoyat ishi qo`zg`atilgan.
