Samarqand shahri markazidagi «Afrosiyob - palas» mehmonxona majmuasining auksion savdolari yakunlandi. Bu haqda Davlat aktivlarini boshqarish agentligi ma`lum qildi.
Unda 3 ta ishtirokchi qatnashgan. Boshlang`ich narxi 27,4 mlrd.so`m bo`lgan davlat aktivi 29 qadam bilan 43,3 mlrd.so`mga sotilgan.
Ma`lumot uchun, ushbu davlat aktivini sotib olgan g`olib 2022 yil 1 aprelga qadar 100 ta yangi ish o`rni yaratib, xalqaro standarlarga mos keladigan 4 yulduzli mehmonxona majmuasini to`liq foydalanishga topshirishi kerak.
