human.uz xabariga ko`ra, Madaniy meros ob`ektlari reestriga kiritilgan Toshkent kurantlariga taqilgan bant va lentalar Madaniyat vazirligi huzuridagi Madaniy meros departamenti bilan kelishilmagan. Madaniyat vazirligi matbuot xizmati ushbu ma`lumotni tasdiqlagan.
Noyabr oyi oxirida Toshkent kurantlari binosining old qismida qizil rangli lentalar va bant paydo bo`lgan edi.
Toshkent shahridagi Madaniy meros boshqarmasi tomonidan 27 noyabr kuni bant va lentalar paydo bo`lganidan so`ng, Mirobod tumani hokimligi va Binolardan foydalanish departamentiga Toshkent kurantlaridagi noqonuniy o`rnatilgan elementlarni olib tashlash to`g`risida ogohlantirish xatlari yuborilgani ma`lum qilindi.
Ammo binoning old qismidagi bant va lenta hozircha olib tashlanmagan.
