Andijonlik yigit «Yosh olim – 2020» xalqaro tanlovi oltin medaliga loyiq deb topildi.
Qozog`istonning Nursulton shahrida MDH davlatlari o`rtasida o`tkazilgan «Yosh olim – 2020» xalqaro tanlovida Oliy Majlis Qonunchilik palatasi huzuridagi Yoshlar parlamenti a`zosi, Andijon davlat universiteti 1-bosqich talabasi Hasanboy Qosimov faxrli 1-o`rinni egalladi va 1-darajali diplom hamda oltin medal bilan taqdirlandi.
Ushbu loyihaning asosiy maqsadi MDH davlatlari oliy ta`lim muassasalari talabalarini qo`llab-quvvatlash, ilm-fan, texnika rivojlanishiga hissa qo`shayotgan yoshlarni aniqlab, ularni munosib rag`batlantirishdan iborat.
