Respublika shoshilinch tibbiy yordam ilmiy markazi Qashqadaryo filialiga bugun, 19 dekabr kuni soat 06:50 da is gazidan zaharlangan jami 13 nafar o`smir keltirildi. Bu haqda Qashqadaryo viloyati sog`liqni saqlash boshqarmasi axborot xizmati ma`lum qildi.
Dastlabki ma`lumotlarga ko`ra, Qarshi shahridagi xususiy o`quv markazlaridan biriga tegishli yotoqxonada gaz bilan ishlaydigan isitish qozonidagi nosozlik mazkur noxush hodisaga sabab bo`lgan.
O`smirlarning (hammasi o`g`il bola) eng kichigi 11, eng kattasi 14 yoshda. Ularning 3 nafari og`ir, 5 nafari o`rta og`ir holda shifoxonaga keltirilgan bo`lsa, qolganlariga ambulator sharoitda tibbiy yordam berilgan.
Ko`rsatilgan tibbiy xizmatdan keyin ularning barchasining ahvoli yaxshilangan.
Mavzuga doir:
2020 yilda is gazidan qancha fuqaro vafot etgani ma`lum qilindi
