O`zbekiston Gidrometeorologiya xizmatining xabar berishicha, bugun O`zbekiston hududlariga Eron hududlaridan iliq va nam havo massalari kirib kelishi boshlandi. Ko`pchilik viloyatlarda yomg`ir yog`adi. Respublikamizning shimoliy va janubi-sharqiy hududlarida yog`ingarchiliksiz ob-havo saqlanib turadi.
Havo harorati nihoyat dekabr oyining oxiridagi o`rtacha ko`p yillik qiymatlarga yaqinlashadi va 7-10° iliqni tashkil etadi.
Biroq issiq uzoq vaqtga kelmadi. Ertaga respublika hududlariga janubiy siklon kirishi boshlanadi, so`ngra Ural hududlaridan sovuq antisiklon kirib keladi.
Respublika bo`yicha yomg`ir yog`adi, kechga tomon qorga aylanishi mumkin, faqat respublika shimolida va shimoliy hududlarning chekkasida yog`ingarchilik kutilmaydi
Yakshanba kuni yog`ingarchilik bo`ladi, u sovuq fonda qor ko`rinishida davom etadi.
Respublikaning tog`li hududlarida ba`zi joylarda kuchli qor yog`ishi mumkin, qor ko`chishi xavfi saqlanib turadi.
Dam olish kunlari harorat pasayadi va yakshanba kuni 3° sovuq-2° iliq atrofida bo`ladi.
Bu davrda kechasi va ertalab respublika bo`yicha ba`zi joylarga tuman tushishi mumkin.
Bugun va ertaga respublikaning ayrim hududlarida shamol 15-20 m/s gacha kuchayishi kutilmoqda.
25.12.2020 08:07
"Bugungi iliqlik uzoqqa cho`zilmaydi". O`zbekistonda dam olish kunlari ob-havo qanday bo`lishi ma`lum qilindi
