Qozog`iston koronavirusga qarshi Amerika vaksinasini sotib olish to`g`risida Pfizer kompaniyasi bilan shartnoma imzoladi. Bu haqda mamlakat sog`liqni saqlash vazirining o`rinbosari Marat Shoranov "RIA Novosti" ga ma`lum qilgan.
Respublika hukumati yaqin vaqt ichida ushbu dori vositasini ro`yxatdan o`tkazish va undan foydalanish uchun hujjatlarni rasmiylashtiradi. Uni etkazib berish muddati kompaniyaning ishlab chiqarish quvvatiga bog`liq. Shoranov amerikalik vaksinaning saqlash va tashish bo`yicha qat`iy talablari, shuningdek "narxi - Rossiya Federasiyasida ishlab chiqarilgan vaksinadan ikki baravar qimmatroq" ekanligini ta`kidladi. Preparatni sotib olish hajmi hali oshkor qilinmagan.
Avvalroq Qozog`iston o`z hududida Rossiyaning Sputnik V koronavirus vaksinasini ommaviy ishlab chiqarishni yo`lga qo`ygan edi. Respublikada emlash kampaniyasi fevral oyidan boshlanadi, birinchi navbatda tibbiyot xodimlari, o`qituvchilar, talabalar, huquqni muhofaza qilish organlari xodimlari, tibbiy va ijtimoiy muassasalar, shuningdek surunkali kasalliklarga chalingan fuqarolar emlanadi.
Pfizer/BioNTech koronavirusga qarshi emlash vositasi hozirda klinik sinovlarning so`nggi bosqichida. 13 dekabr kuni AQSh ma`murlari favqulodda holatlar tufayli tezlashtirilgan tartibda Qozog`istonning arizasini ma`qullaganini ma`lum qildi.
