30 dekabr kuni Navoiy viloyati Favqulodda vaziyatlar boshqarmasi qutqaruvchilari liftda qamalib qolgan 5 nafar fuqaroni qutqardi. Bu haqda boshqarma matbuot xizmati xabar beradi.
Shu kuni, soat 18:59 da viloyat FVB Navbatchi dispetcherlik xizmati “1050” qisqa raqamiga Navoiy shahar M.Tarobiy ko`chasi 110a-uyda yashovchi bir guruh fuqarolar liftda qamolib qolganligi haqida habar kelib tushdi.
Olingan habar asoida smena boshlig`i podpolkovnik Sh.Haybullaev boshchiligida qutqaruvchilar L.Xodjaev, K.Nurillaev va F.Ro`zimurodovlar voqea joyiga etib borishdi.
Ularning tezkor harakatlari natijasida, mahsus qutqaruv asbob-anjomlari yordamida soat 19:15da fuqarolar qutqarilib, yuzaga kelishi mumkin bo`lgan baxtsiz hodisaning oldi olindi.
Shuni ta`kidlash joizki, qutqarib olinganlarning 4 nafari yosh bolalar.
Navoiydan Shiringul Asoeva tayyorladi
